Ǵalymdar tutynýshylardyń sýpermarketten zııandy taǵamdardy satyp alýyna jol bermeıtin amaldy tapty
ASTANA. QazAqparat - Nıý-Iorkte Kornell ýnıversıtetiniń ǵalymdary jańa zertteý júrgizip, sýpermarketke barar aldynda 1 alma jeý qajetsiz taýardy satyp alýǵa jol bermeıtinin anyqtady. Bul týraly The Daily Mail habarlady.
Tájirıbe barysynda amerıkalyq ǵalymdar eriktilerge sýpermarketke kirer aldynda alma, ne pechene jeýdi nemese olardan bas tartýdy usynǵan. Sýpermarketten shyǵarda zertteýshiler úsh toptaǵy adamdardyń satyp alǵan taýarlaryn salystyrdy. Sóıtip, alma jegender qalǵan eki toptaǵylarǵa qaraǵanda kókónis pen jemisti 25 paıyzǵa kóbirek alǵanyn ańǵardy. Sonymen qatar ǵalymdar alma jegen tutynýshylar paıdaly azyq-túlik ónimderin tańdaǵanyn atap ótti.
"Bul tájirıbe ónimdi tańdaýǵa áser ete alatynymyzdy kórsetti. Satyp alýshylarǵa sýpermarketke kirer kezde kókónis pen jemisterdiń bir tilimin jep alýdy usynamyz", - dedi tájirıbe avtory, doktor Aner Tal.
