Ǵalymdar túsi qyzyl, túri erekshe akýlanyń syryn ashty (FOTO)
ASTANA. QazAqparat - Meksıka jaǵalaýynda ózge ǵalamsharlyq jaratylysqa uqsaıtyn erekshe qyzǵylt, qampaıǵan balyq aýlandy. Ǵalymdar erekshe balyqty zerdelep-tekserip shyqty.
Sarapshylar ózge ǵalamsharlyqtar kózderine uqsaıtyn sur-qyzǵylt tústi, dop sııaqty qampaıǵan balyq - akýlanyń jerdegi túrleriniń biri ekenin aıtty. AQSh jáne Meksıkada Tynyq muhıt jaǵalaýynda kalıfornııalyq qampaıǵan akýla ómir súredi. Olar qaýipti jaǵdaıda kóp mólsherde sý jutyp, denesin úlkeıtedi, syrtqy keıpi kórgen adamdy shoshytady, dep jazady brıtandyq tabloıd The Sun.
Ol balyqtyń túsi - qoshqyl núkteleri bar sary-qońyr. Al myna qyzyl tústini ǵalymdar albınızm nemese leıkızm saldarynan ózgerip ketken degen tujyrym jasady.
Alaıda qyzǵylt domalaq jaratylystyń keıbir músheleri bul tujyrymǵa qarama-qaıshy kelip tur. Mysaly domalaq akýlanyń jelbezegi 5-6 bolsa, munda úsheý ǵana.
Ázirge ǵalymdar bastaryn qatyrýda. Jumbaq balyq Tynyq muhıttan aýlandy. Erekshe balyqty ustaǵan balyqshylar ony teńizge qaıta jiberdi.
