Ǵalymdar: Turmystaǵy áıelder júrek syrqatynan ólimge azyraq ushyraıdy
ASTANA. QazAqparat - Oksford ýnıversıtetiniń ǵalymdary áıelderdiń otbasylyq mártebesi júrek syrqatynan ólimge ushyraýyna áser etetinin anyqtady.
Bul týraly Rosbalt habarlady.
Zertteý nátıjeleri boıynsha, turmystaǵy áıelderge qaraǵanda boıdaq áıelder júrek talmasynan ólimge kóbirek ushyraıdy.
Budan burynǵy zertteýler úılengen erkekter boıdaqtarǵa qaraǵanda kardıologııalyq ólimge azyraq ushyraıtynyn kórsetken, dep jazady BMC Medicine jýrnaly. Sońǵy zertteýge ortasha eseppen 60 jastaǵy aýrýhanalarda jatqan nemese júrek aýrýlarynan qaıtys bolǵan 734 myń 626 áıel tartylǵan. Barlyq qatysýshylardyń kardıoaýrýlary, ınsýlt nemese qaterli isik syrqaty bolǵan, olardy shamamen toǵyz jylǵa jýyq ýaqyt baqylaǵan.
Osy kezeńde 30 747 áıelde júrek aýrýlary órshigen, olardyń 2148-i kóz jumǵan. Úılengen nemese turaqty er adamdarmen baılanysta bolǵan áıelder kúıeýi joq áıeldermen birdeı karıdoloǵııalyq aýrýlarǵa ushyraǵanmen, turmystaǵy áıelderdiń 28 paıyzynda bul aýrýlar ólimge soqtyrmaǵan.
Sarapshylar sondaı-aq áıelderdiń áleýmettik-ekonomıkalyq jaǵdaıy men ómir saltyn da esepke alý qajet dep sanaıdy. Olardyń aıtýynsha, turmystaǵy áıelder kúıeýleriniń qamqorlyǵy men emotsıonaldyq qoldaýyna ıe bola otyryp, júrek aýrýlarynan kóz jumý táýekeline azyraq ushyraıdy eken.
