Ǵalymdar: turǵylyqty jer adamnyń ómir súrý saltyna áser etedi
ASTANA. QazAqparat - Bazarlar, qoǵamdyq kólikter aıaldamalary jáne qalalyq saıabaqtar mańynda turatyn adamdar ózgelerge qaraǵanda fızıkalyq jattyǵýlarǵa aptasyna 90 mınýt kóbirek kóńil bóledi eken. Muny Kalıfornııa Ýnıversıtetiniń ǵalymdary anyqtady, dep jazdy The Economic Times.
Zertteýshiler 18 ben 66 jas aralyǵyndaǵy 6822 adamnyń málimetterin saraptady. Mamandar qatysýshylardyń turatyn aýdandaryn zerttedi. Fızıkalyq belsendilik deńgeıi akselerometrlerdiń kómegimen ólshendi. Ol eń kemi aptasyna tórt kún eriktilerdiń beline baılandy.
Ortasha alǵanda qatysýshylar fızıkalyq jattyǵýlarǵa kúnine 37 mınýt bólgen. Salamatty ómir saltyn júrgizýge ıkemdi jáne ıkemsiz aýdan turǵyndarynyń fızıkalyq belsendiligi aptasyna 68-89 mınýt aralyǵynda bolǵan. Bul usynylatyn bir aptadaǵy 150 mınýttyń 45-59% quraıdy, dep jazdy meddaily.ru.
