Ǵalymdar: Túni boıy uıyqtamaı emtıhanǵa daıyndalý esh nátıje bermeıdi
ASTANA. QazAqparat - Uıqy, este saqtaý qabileti men bilim bir-birimen tyǵyz baılanysty ekeni baıaǵydan belgili. Uıqy shala bolsa este saqtaý qabileti de álsireıdi. Zertteýler barysy aqparatty umytpaı, uzaq este saqtaý úrdisinde uıqynyń mańyzdy zor ekenin kórsetti, dep habarlaıdy University Herald.
Mamandar Drosophila shirkeıine zertteý júrgizdi. Olar shybyndarda este saqtaý qabiletine qyzmet etetin DPM-neırondaryn zerdeledi. Zertteý barysynda DPM-neırony belsendi bolǵan kezde shybyndar uıyqtaǵan, al neırondar qyzmeti toqtaǵanda, kerisinshe shybyndar sergek ushyp júrgen. Aqparat qysqa ýaqyt este saqtaýdan uzaq ýaqyt este saqtaýǵa kóshe bastaǵanda, shybyndar uıqyǵa ketken. ıAǵnı, uıqysyz aqparat ıgerilmegen.
Atalmysh úrdis gıppokampqa uqsas mıdyń sańyraýqulaq tárizdes bóliginde oryn alǵan. Shybyndarda este saqtaýǵa jaýap beretin sańyraýqulaq tárizdes bólik uıqy men sergektik úrdisterin retteıdi eken. Zertteýshiler ózderiniń tujyrymdary adamdardyń uıqysy men este saqtaý qabileti arasyndaǵy baılanysty kóbirek bilýge járdemdesedi dep úmittenedi.
