Ǵalymdar: túnde jumys isteý túsik táýekelin arttyrady
ASTANA. 11 shilde. QazAqparat - Brıtandyq ǵalymdar túngi aýysymda jumys isteıtin áıel men bala týý problemasy arasyndaǵy baılanysty tapty. Bul týraly VVS habarlady.
Saýtgempton ýnıversıtetiniń ǵalymdary zertteý júrgizip, normalanbaǵan kestemen jumys isteıtin áıelder, ıaǵnı tańǵy, keshki jáne túngi aýysymdardy almastyryp qyzmet atqaratyn názik jandylar 80 paıyzǵa reprodýktıvti fýnktsııanyń jetispeýinen jıi qınalatynyn anyqtady. Bul turǵyda uzaq ýaqyt júktiliktiń múmkin bolmaýy baıqalatyn kórinedi.
Tek túngi ýaqytta jumys istegen áıelderdiń úshten bir bóligine (29 paıyzy) jýyǵynda túsiktiń joǵary qateri baıqalǵan. Al ár aýysymda qyzmet etken áıelderdiń 22 paıyzy reprodýktıvti densaýlyqtyń problemalaryna alyp kelýi múmkin tsıkldiń buzylýynan zardap shekken.
