Ǵalymdar tumaýdyń qalaı juǵatynyn anyqtady
ASTANA. QazAqparat - Tumaý vırýsy silekeıde emes, adam shyryshynda bolady. Sondyqtan naýqastyń qolyn ustasań, sosyn kózine, murnyna nemese aýzyna janassań, juqtyrý múmkindigi joǵary bolmaq, - dep habarlady Rosbalt.
Suralǵan adamdardyń 86 paıyzy sýyq tıgen adamnyń qolyn ustaýdan bas tartqan. Ár besinshisi naýqaspen kezdesýge barmaǵan. 79 paıyzy murnyn tartqan áriptesinen boıyn alys ustaǵan. 34 paıyzy jótelgen adamnan alshaq júrse, 32 paıyzy álsin-álsin túshkirgen adamǵa jolamaǵan, dep habarlady «Medvestı».
Tumaý juqtyrýdan áıelder qatty qorqady eken. Er adamdar buǵan qalypty qaraǵan. Suralǵandardyń 46 paıyzy vırýs juqtyrǵan adamdarmen súıisýden bas tartpaǵan.
Zamanaýı zertteýler derekterine súıensek, adam kóp shoǵyrlanǵan oryndarda (qoǵamdyq kólik, kezekte turý, keńsede), ınfektsııa juqtyrǵan adammen tikeleı qarym-qatynasta bolatyn ımmýnıteti tómen adam vırýsty jyldam juqtyratyn bolǵan.
