Ǵalymdar tumaýdy jeńýge kómektesetin emdámdi shyǵardy
ASTANA. 13 qyrkúıek QazAqparat - Tumaýmen naýqastanǵan adam mindetti túrde et pen shokolad jep, ıtmurynnan qaınatylǵan kompot ishkeni jón, deıdi ǵalymdar zertteýine silteme jasap rosbalt.
Zertteý nátıjesi boıynsha, naýqas adamnyń aǵzasy et quramynda bolatyn aqýyzdy asa kóp mólsherde qajet etedi. Alaıda, bul azyqty paılanbaıtyn adamdarǵa ýaıymdaýdyń qajeti joq, dál sol proteınder jumyrtqa, sút pen sút ónimderinde de bar.
Aǵzany aqýyzben qamtamasyz etý úshin ımmýnıtetti kúsheıtetin jańǵaq, botqalardy, sonyń ishinde qaraqumyq jarmasyn paıdalanýǵa bolady.
Adamǵa qajetti taza aqýyzdyń normasy táýligine 50 gramm, dep habarlady Megamedportal.
Itmuryn aǵzany vırýstarmen kúresýge qajetti S dárýmenimen qamtamasyz etedi. Tumaýmen aýyrǵan adamnyń aǵzasy bul dárýmendi 7 ese kóp qajetsinedi.
Sonymen qatar S dárýmeni tsıtrýs ósimdikterinde bolady. Sol sebepti mamandar tańerteń jyly sý men lımon shyrynyn ishýge keńes beredi.
Keptirilgen jemis pen jóke gúlinen qaınatylǵan sýsyndardyń da paıdasy zor. Alaıda mýltıvıtamındi preparattardy, ásirese, quramynda A, D, E, K dárýmenderin paıdalanǵanda abaı bolý kerek. Olardyń joǵary kontsentratsııasy artqan kezde gıpervıtamınozǵa ákep soǵýy múmkin.
Medıtsına qyzmetkerleri keńes beretin qara shokoladta ımmýndy júıeni qoldaýshy, vırýstarmen kúresýshi flavonoıdtar bar. Sondyqtan tamaqqa quramynda kakaosy kóp shokoladty qoldaný kerek.
Tátti taǵam retinde, sonymen birge, baldy, qara qaraqat pen sheńgel jıdek tosabyn paıdanýǵa bolady. Alaıda kondıterlik ónimderdi tutyný normasyn arttyrýǵa bolmaıdy. Ony táýligine 30 gramm ǵana tutyný kerek.
