Ǵalymdar tiri júrekti 3D prınteri arqyly basyp shyǵarmaqshy
ASTANA. QazAqparat - Stıýart Ýılıams basqaratyn Lýısvıll ýnıversıtetiniń medıtsına salasyndaǵy sarapshylar toby 3D prınteriniń kómegimen tiri adam júregin jasaý jobasyn iske qosatynyn málimdedi, dep jazady «TG Daily». Mundaı júrek bir esepti, shyn bolsa, bir esepti, jasandy bolmaq jáne ol transplantatsııa úshin arnalǵan.
Ǵalymdar prınterdiń kómegi arqyly bir emes, birneshe ret túrli organdardy, tipti jambas súıekten qulaqqa deıin jasaǵan bolatyn. Alaıda júrek sııaqty kúrdeli jáne mańyzdy organnyń jobasyn basyp shyǵarý birinshi ret qolǵa alynbaq. Joba aıasynda mamandarǵa 3D prınteriniń kómegimen júrektiń jekelegen bólikteri - júrektegi qan joly tetigi men shaǵyn qan tamyrlaryn jasaý qoldan kelgen.
«Basylyp shyqqan» júrek naýqastyń jasýshalarynan turady, ol ulpalardyń kúshpen tartyp alý qıyndyqtaryn azaıtýǵa múmkindik beredi. 5 jyldan soń ǵalymdar 3D tehnologııasynyń kómegimen basylyp shyqqan jekelegen elementterden tiri júrekti alýdy josparlap otyr. Bul transplantologııadaǵy tyń jańalyq bolmaq.
