Ǵalymdar tıgen jerin sezetin bıonıkalyq saýsaq jasap shyqty
ASTANA. QazAqparat - Neıroınjenerler qysymdy ǵana emes, ári ustaǵan nárseniń syrtyn da sezetin bıonıkalyq saýsaq jasap shyqty. Qurylǵy kesilgen saýsaqtyń ornyndaǵy adamnyń júıke talshyqtaryna jalǵaıdy. Ǵalymdar ony ınelermen bútin saýsaqqa da qosa alady.
Jasandy saýsaqty synaýǵa 11 jyl buryn qolynda feıerverk jarylyp saýsaǵynan aıyrylǵan adam shaqyryldy. Onyń saýsaǵynyń ornyndaǵy júıke talshyqtaryna medıtsına qyzmetkerleri symdar jáne sensorlar jalǵaý arqyly bıonıkalyq saýsaqty qosty.
Synaq kezinde jasandy saýsaqpen túrli zatty basyp, ustap kórdi. Alynǵan belgi kompıýtermen óńdeldi ári synaýshyǵa jiberildi, ol bolsa neni sezgenin aıtyp berip otyrǵan.
96 paıyz jaǵdaıda ol tegis zatpen ústi budyr zatty aıyra aldy. «Nárseni óz saýsaǵymen sezgendeı kúıde bolasyń», - dedi ol.
