Ǵalymdar temeki tartýdy tastaýdyń jańa ádisin usyndy
ASTANA. 2 qyrkúıek. QazAqparat - Temeki tartýdy azaıtqysy keletin nemese zııandy ádetten qutylmaqshy bolǵan adamdarǵa jaqsy jańalyq bar, dep habarlady RBK agenttigi.
Ekseter ýnıversıteti ǵalymdarynyń aıtýynsha, temeki shegýden qutylý úshin sportpen aınalysý qajet, dep jazady The Daily Mail.
Ǵalymdar 19 klınıkalyq synaqtardyń barysynda alynǵan málimetterdi taldaı otyryp, qarapaıym dene júktemesi adamdardyń óz erkimen temeki tastaýyna kómektesedi degen qorytyndyǵa keldi. «Jattyǵýlar ýaqytsha paıda beretinine qaramastan, temekini tastap júrgen kezde sportpen aınalysýdy usynamyz», - dedi zertteý jetekshisi, densaýlyq psıhologııasy professory Adrıan Teılor.
Temekti tartýshylardy zertteý barysynda top ekige bólindi: olardyń biri búkil esperıment kezinde sportpen, negizinen, jyldam júrýmen jáne velosıped tebýmen aınalysty, al ekinshi baqylaý toby jaı ǵana demaldy. Eriktilerdiń aıtýynsha, dene jattyqtyrýlary temeki qajettigin azaıtqan. Alaıda bul nemen baılanysty ekenin ǵalymdar ázirge túsindire almaıdy. A.Teılordyń aıtýynsha, jattyǵý kóńildi bóledi, sergektigin arttyrady, sondyqtan da nıkotınniń qajettigi joq.
Sarapshylar eksperıment kezinde temeki tartýshylar nıkotın almastyratyn saǵyz jáne taǵy basqa nárselerdi paıdalanbaǵan.
Keıbir málimetter boıynsha, Ulybrıtanııada árbir besinshi eresek adam temeki tartady, olardyń úshten ekisi zııandy ádetten arylǵysy keledi. Jyl saıyn 100 myń brıtandyq temekiden paıda bolatyn ókpe qaterli isiginen, ókpeniń, júrektiń soylmaly syrqattarynan kóz jumady. Brıtandyq densaýlyq saqtaý mınıstrligi temeki tartatyn adamdardy emdeý úshin jylyna 2,7 mlrd.fýnt sterlıng qarajat jumsaıdy.
Ǵalymdardyń zertteýi Addiction jýrnalynda jarııalanǵan.
