Ǵalymdar: Temeki shegý qytaılyq jastardyń úshten bir bóligin óltiredi
ASTANA. QazAqparat - Jaqyn arada temeki shegý Qytaıdaǵy jastardyń úshten bir bóligin merziminen buryn ólimge ákelýi múmkin. Oksford ýnıversıteti, Qytaı medıtsınalyq ǵylymdar akademııasynyń jáne Aýrýlardy baqylaý boıynsha qytaılyq ortalyqtyń ǵalymdary osyndaı toqtamǵa keldi.
Lancet jýrnalynda jarııalanǵan zertteý nátıjesi kórsetkendeı, Qytaıdaǵy erlerdiń úshten eki bóligi 20 jasqa tolmaı temeki shege bastaıdy. Mundaı jaǵdaıdyń jartysynda bul zııandy áreket merziminen buryn ólimge ákelýi yqtımal.
Zertteý 15 jyldyq úzilispen eki ret júrgizilgen. Buǵan birneshe júz myń adam tartyldy.
Eger Qytaıda temeki shegetinderdiń sany qysqarmasa, onda bul keleńsiz jaǵdaıǵa baılanysty ólim 2030 jylǵa qaraı jylyna eki mıllıon adamǵa jetedi.
Qytaı bıligi buǵan alańdap otyr. Aǵymdaǵy jyldyń 1 maýsymynan Beıjińde qoǵamdyq oryndarda temeki shegýge tyıym salý kúshine endi, dep habarlady Bı-bı-sı.
