Ǵalymdar temeki adam ómirin 10 jylǵa qysqartatynyn taǵy da dáleldedi
ASTANA. QazAqparat - AQSh ǵalymdarynyń zertteý qorytyndysy boıynsha, temeki shegetinderdiń 67 paıyzy nıkotınniń teris áserinen adam aǵzasynda paıda bolatyn túrli dertten qaza tabady. Olardyń ómiri temeki shekpeıtinderge qaraǵanda 10 jylǵa qysqaratynyn jańa ǵylymı jumys anyqtady, dep jazady Rosbalt.
«Naqtyraq aıtqanda, atalǵan ǵylymı túıindi jasaý úshin júrgizilgen zertteý jumysyna 200 myń adam qatystyrylǵan. Olardyń densaýlyǵy 4 jyl boıy baqylanyp, nátıjesinde temeki shegetinderdiń ómiri ortasha alǵanda 10 jylǵa qysqa bolatyny anyqtaldy», delingen maqalada. Osyǵan deıin ǵalymdar temeki shegetinderdiń 50 paıyzy dúnıeden erte ozady degen boljam jasaǵan, sońǵy ǵylymı zertteý olardyń sany paıyzdyq kórsetkishke shaqqanda 67-ge jetetinin aıtyp otyr.
