Ǵalymdar taıaýdaǵy 20 jyldyń ishinde Reseı halqynyń azaıatyndyǵyn eskertti
ASTANA. QazAqparat - 19 jyldan keıin Reseıdiń halyq sany 83 myń adamǵa azaıady. Bul týraly Máskeýdegi Gaıdarovskıı forýmynda ǵylymı sarapshylar málimdedi, dep habarlaıdy «Izvestııa» gazeti.
Ǵalymdardyń jasaǵan Reseı demografııalyq eńbeginde kórsetilgendeı, 2016 jyldyń 1 qańtarynda elde 146,545 mıllıon adam ómir súrse, 2035 jyly olardyń sany 146,462 mıllıonǵa kemimek. Ekonomıka joǵary mektebi ǵylymı-zertteý ýnıversıteti Demografııa ınstıtýtynyń dırektory Anatolıı Vıshnevskııdyń aıtýynsha, Reseıde halyqtyń tabıǵı azaıýy aǵymdaǵy demografııalyq pıramıda saldarynan ósedi.
«Qazir týý sany az bolǵan 1990 jyly týǵan balalar ata-ana atanýda. Sondyqtan analar sany az. Erteli-kesh dúnıeden ótetin qart kisiler sany qatar ósýde», - dep túsindirdi Vıshnevskıı.
