Ǵalymdar tabysqa jetýdiń qupııasyn ashty
ASTANA. QazAqparat - Brıtandyq psıhologtar amerıkalyq ǵalymdarmen birigip qandaı da bir jeke maqsattarǵa jetem degen adamdar qalaı áreket etýi kerek ekenin baıandady. Avtorlar tájirıbe nátıjelerin sheteldik ǵylymı jýrnaldardyń birinde jarııalaǵan.
Ǵalymdar adamnyń óz maqsatyna jetý kezinde óz damýyn neǵurlym jıi baqylasa, soǵurlym oǵan jetýdiń kóp múmkindikterine ıe bolady. Psıhologtar maqsattarǵa jetý kúndeligin júrgizý, sondaı-aq olar týraly týystar jáne dostarmen bólisýdiń oń áseri týraly aıtyp berdi.
Óz zertteýinde avtorlar 19 951 erikti týraly baıandaǵan 138 tájirıbeniń málimetterin taldap, olardyń maqsattarǵa jetý jolyndaǵy ilgeri basýynyń sol maqsattarǵa qol jetkizýge qalaı áser etetinin zerttedi. Osylaısha, psıhologtardy temeki shegý sııaqty zııandy ádetterden bas tartý, salmaq pen qan qysymynyń azaıýy, emdámdi aýystyrý jáne eriktilerdiń densaýlyǵyna qatysy bar ózge de jeke máselelerdiń maqsattarǵa jetý protsesine áser etkeni de qyzyqtyrdy.
Ǵalymdar maqsatqa jetkisi keletin adamdarǵa óz tabystaryn kúndelikterine jıi túrde jazyp otyryp, olardy kópshilikke aıtýdy keńes etti. Budan basqa, psıhologtar qatysýshylardyń bir-birimen óz áreketteriniń nátıjelerimen bólisetin toptardy qoldaý tıimdiligi týraly baıandady.
