Ǵalymdar: sútti kóp ishý tize býynynyń aýrýynan saqtaıdy
ASTANA. QazAqparat - Sútti qajetti mólsherde paıdalaný tize býynynyń osteoartrozynan saqtaıdy. Amerıkalyq ǵalymdar bul jańalyǵyn «Arthritis Care & Research» ǵylymı jýrnalyna jarııalaǵan.
Ǵalymdardyń paıymynsha, maısyz nemese maıy az mólsherdegi sútti udaıy iship otyrý tizeni túrli dertten saqtaýǵa septigin tıgizedi. Olar mundaı qorytyndyǵa 2148 adamǵa júrgizgen zertteý jumysynan keıin kelgen. Al oǵan túrli jastaǵy erler men áıelder qatysqan.
Ásirese, sútti kóp ishý ásirese áıelder úshin paıdaly deıdi ǵalymdar. Sebebi, tize býynynyń osteoartrozy erlerge qaraǵanda, kóbinese áıelderde jıi kezdesedi eken.
Sondaı-aq mamandardyń aıtýynsha, ıogýrt nemese basqa da sút ónimderi atalǵan derttiń aldyn alýǵa kómektespeıdi. Sondyqtan, taza súttiń ózin ishken jón sanalady.
