Ǵalymdar: Sýshı densaýlyqqa zııan keltirýi múmkin
ASTANA. QazAqparat - Adamdardyń kópshiligi sýshıdi kolorııasy az taǵam dep sanaıdy. Alaıda Ratger Ýnıversıtetiniń (AQSh) ǵalymdary júrgizgen zertteý nátıjesinde bul taǵamnyń densaýlyqqa zııan keltirýi múmkin ekeni anyqtaldy. Bul týraly Rosbalt habarlady.
Zertteý nátıjelerine sáıkes, teńiz ónimderinen daıyndalatyn bul taǵamdy jaqsy kóretinder júrek-qan tamyr aýrýlaryna shaldyǵýy yqtımal. Sýshıdi jegen adamǵa balyqtyń quramyndaǵy synaptyń kóp mólsherde bolýy qaýip týdyrady, dep jazady Kedem portaly.
Balyq quramynan tabylǵan metıl synaby júrek aýrýlarynyń týyndaýyna sebep bolyp, mı men júıke júıesiniń damýyna keri áserin tıgizip, kognıtıvti fýnktsııalardyń tómendeýine ákeledi.
