Ǵalymdar: Sýretshilerdiń mıy ózgesheleý bolady
ASTANA. QazAqparat - Sýretshilerdiń mıy ózge adamdarǵa qaraǵanda ózgesheleý bolady. Bul týraly sońǵy zertteýlerdiń nátıjesinde belgili boldy.
Zertteýge qatysqan adamdardyń mıyn skanerden ótkizý kezinde sýretshilerdiń motorıkaǵa jáne vızýaldy beınelerdiń qalyptasýyna jaýap beretin mı bólikteri keńirek damyǵany anyqtaldy. Osy arqyly sýretshilerdiń talanty shynymen de týa bitken erekshelik bolýy múmkin, delingen sarapshylar derekterinde. KU Leuven University belgııalyq oqý ornynda atalǵan zertteýdi júrgizýshi Rebekka Chemberlenniń habarlaýynsha, ǵalymdar atalǵan qubylysqa túsinik berýdi izdeý maqsatynda zertteý jumystaryn jalǵastyrýǵa nıetti. «Zertteý nátıjesine qaraǵanda, sýretshiler mıynyń kúńgirt bóliginde sur zat kólemi kóbirek kezdesti. Mıdyń dál osy bóligi adamnyń shyǵarmashylyq qabilettiligi men vızýaldy beınelerdi qabyldaýyna jaýap beredi»,-deıdi R. Chemberlen.
