Ǵalymdar sýdyń artyq salmaqtan arylýǵa kómektesedi dep sanaıdy
ASTANA. QazAqparat - Artyq salmaqty tastaýǵa tyrysqan adamnyń qaısy bolsa da, belgili bir kólemde sý ishý qajettigin biledi. Suıyqtyqty kóp tutynýdyń da dıetalyq áseri bar.
AQSh-tyń Ýrban-Shampeınedegi Illınoı ýnıversıtetiniń ǵalymdary sý artyq salmaqpen kúresýge járdemdesetinin, qanttyń, tuzdyń maıdyń, holesterınniń mólsherin azaıtatynyn anyqtady.
Zertteý júrgizgen mamandar 18 300 eresek adamǵa qatysty málimetterdi taldaǵan. Derekter eki kúnde iship-jegen taǵamdary esebiniń nátıjesin qamtıdy. Ratsıony boıynsha zertteý qatysýshylar 3-ten 10 kúnge deıin esep bergen.
Ǵalymdar sý, shaı, kofeni qosqanda túrli sýsyndar túrinde, sondaı-aq túrli ónimderden aǵzaǵa qansha suıyqtyq túskenin eseptedi. Ortasha ár qatysýshy kúnine 4 kese taza sý ishken.
Zertteýshiler qarapaıym sý ishken adamdar kún saıyn 68-205 kalorııa, 78-235 g tuz, 21 g holesterın kem tutynatynyn anyqtady.
Ǵalymdardyń aıtýynsha, túrli kórsetkishter jas jigitter jáne orta jastaǵy er adamdardan jınalǵan derekterdi qosý esebinen alynǵanyn atap ótedi. Naqty osy eki sanat basqa eresek adamdarǵa qaraǵanda, barynsha kóbirek kalorııa tutynýǵa beıim eken, dep habarlaıdy álemdik BAQ.
