Ǵalymdar sýdy tazartý úshin paıdalanýǵa bolatyn jańa bakterııalardy tapty
ASTANA. QazAqparat - Japonııa teńiziniń sýyn zertteý barysynda Prımorskıı aımaǵy jaǵalaýynan ǵalymdar toby jańa bakterııalardy tapty. Olar aldaǵy ýaqytta aǵyndy sýlardy tazartýǵa paıdalanylýy múmkin. Bul týraly «Interfaks-Dalnıı Vostok» habarlady.
Bıoorganıkalyq hımııanyń Tynyq muhıty ınstıtýtynyń qyzmetkerleri Avstralııa, Jańa Zelandııa, Frantsııa, Ispanııa men Japonııa ǵalymdarymen birge Chajma aılaǵynda teńiz sýyn zerttegen. Sol kezde bakterııanyń jańa túri anyqtalǵan.
Jańa bakterııalarǵa Marinobacter salaries, Marinobacter similis degen ataý berildi. Bul bakterııalardyń ereksheligi - sıntetıkalyq jýý quraldary men keıbir dárilik zattardy óndirýde keńinen qoldanylatyn detergentterdi buza alatyn qasıeti bar.
«Detergentterdiń molekýlalaryn buzý ońaı emes, al olardy sý qoımalaryna tastaý kóbine sýdyń «gúldenýine» ákeledi. Ol sýdy paıdalaný sharttarynyń buzylýy men halyq densaýlyǵynyń nasharlaýyna ákep soǵady», - delingen habarlamada.
Aldaǵy ýaqyta teńiz bakterııalarynyń jańa túri aǵyndy sýlardy tazartý úshin qoldanýylýy múmkin.
