Ǵalymdar: Sozylmaly uıqysyzdyq mı jumysyna zııan tıgizedi
ASTANA. QazAqparat - Zertteýshiler sozylmaly uıqysyzdyq mıdyń qalypty jumysyna zııanyn tıgizip, aksondar - júıke jasýshalarynyń jumysyna áser etetinin anyqtady.
Zertteýge sozylmaly uıqysyzdyqtan zardap shekken 23 adam jáne deni saý 30 erikti qatysty. Qatysýshylardyń barlyǵyna magnıtti-rezonansty tomografııa (MRT) jasaldy. Zertteý nátıjeleri kórsetkendeı, uıqysyzdyqtan zardap shekken adamdardyń mıynyń oń jaqtaǵy bóligindegi aq suıyqtyq arasyndaǵy baılanys keı jerlerde, sondaı-aq talamýsta (lat. thalamus - kórý tómpegi - aralyq mıdyń ortalyq bóligin alyp jatqan qurylym) úzilgeni baıqaldy, dep jazdy Rosbalt.
Zertteý avtorlary olardyń jumysynyń nátıjesi mańyzdy ekenin aıtty. Óıtkeni talamýs aǵzadaǵy bıologııalyq saǵattyń jumysyna jaýapty.
Ǵalymdardyń paıymynsha, mıdaǵy aq zat jumysynyń buzylýy mıelındi- júıke talshyqtarynyń qabyrshaǵyn túzetin zatty joǵaltý saldarynan bolýy múmkin.
