Ǵalymdar smartfonnyń kómegimen este saqtaý qabiletin damytpaq
ASTANA. QazAqparat - Kembrıdj ýnıversıtetiniń ǵalymdar toby este saqtaý qabiletiniń tómendeý jaǵdaıymen kúresetin mobıldik qosymsha jasap shyǵardy. Jumys The International Journal of Neuropsychopharmacology jýrnalynda jarııalandy, dep habarlaıdy Lenta.rý.
Mamandar biryńǵaı kognıtıvtik buzylýmen naýqastanǵan adamdardyń este saqtaý qabiletin jaqsartýdyń jańa tásilin oılap tapty. Onymen kúresýdiń klassıkalyq ádisterin qoldanǵan naýqastar jattyǵý barysynda tez jalyǵyp ketedi jáne motıvatsııany joǵaltady. Sondyqtan ǵalymdar naýqastardyń tapsyrma oryndap, tıyn jınaıtyn mobıldik qosymsha oıynyn jasady. Zertteýge barlyǵy biryńǵaı kognıtıvtik buzylýǵa ushyraǵan 42 adam qatysqan.
Olardyń bir bóligi tórt apta boıy gadjettegi tapsyrmalardy oryndasa, qalǵandary - jattyǵý jasaý úshin klınıkaǵa baryp júrgen.
Zertteý nátıjesi kórsetkendeı, naýqastar oıyn túrinde tapsyrmany tez oryndap, 40 protsentke deıin este saqtaý qabiletin jaqsartqan.
