Ǵalymdar: Smartfondar aýrýdy anyqtaýǵa sep bola alady
ASTANA. QazAqparat - Mamandar kez kelgen smartfon sırek kezdesetin aýrýlar, tipti qaýipti Ebola bezgegin anyqtaı alady degen senimde.
Sonymen birge, tehnologııalyq quraldar bolashaqta adam úshin dárigerdiń ornyn almastyra alady degen boljam da joq emes. Belgili professor Erık Torol adamzat atalǵan dertpen kúreste mańyzdy tásildi nazardan tys qaldyryp júr dep sanaıdy. Onyń sózine qaraǵanda, kóptegen aýrýlardy uıaly telefonnyń kómegimen anyqtaýǵa bolady, dep habarlady Healthvesti. Smartfon óz ıesiniń is-áreketterin búge-shúgesine deıin qadaǵalaı alady. Ebola indeti jer-jerge taralyp jatqan qazirgi kezde osyndaı tehnologııalardyń róli erekshe. Atap aıtqanda, naýqas týraly onyń quralynda saqtalyp qalǵan aqparat ol aýyrǵanǵa deıin bolǵan jerlerdi anyqtaýǵa múmkindik beredi. Ári, onyń qandaı adamdarmen qarym-qatynasta bolǵanyn da bilýge bolady. Sáıkesinshe, mundaı jandy der kezinde aýrýhanaǵa jatqyzyp, ýaqytyly em júrgizý múmkindigi de arta túsedi.
