Ǵalymdar: sklerozdy belgileri paıda bolǵannan birneshe jyl buryn anyqtaýǵa bolady
ASTANA. QazAqparat - Mıýnhen tehnıkalyq ýnıversıtetiniń ǵalymdary shashyrańqy sklerozdy qan taldamalary arqyly alǵashqy belgileri bilinbeı turyp-aq birneshe jyl buryn anyqtaýǵa bolatynyn dáleldep shyqty. Zertteý nátıjeleri 2014 jyldyń 26 sáýiri men 3 mamyry aralyǵynda Fıladelfııadaǵy Amerıka nevrologııa ortalyǵynda (AAN) ótetin dástúrli 66-shy jınalysynda jarııalanady dep kútilýde, dep jazady medportal.ru.
Álemde shashyrańqy sklerozben aýyratyn 2 mln-ǵa jýyq adam bar. Buryn bul aýrýdy der kezinde anyqtaý múmkin bolmaǵan. Sebebi aýrýǵa shaldyqqan júıke talshyqtarynyń jumysyn saý talshyqtar atqara beredi. Al aýrý talshyqtar birtindep 40-50 %-ǵa jetken kezde, bul aýrýdy jeńý qıynǵa soǵady.
«Eger de bizdiń tájirıbelerimiz kóp adamdarda naqty shyqsa, onda biz shashyrańqy sklerozdy erte kezeńinde anyqtaı alatyn deńgeıge jetemiz. Belgileri qalyptaspaı turyp aýrýdy tabý ony emdeýge aldyn ala daıyndalýǵa múmkindik beredi. Tipti ony bastalmaı jatyp, joıyp jiberýge jol ashady», - deıdi zertteýdiń jetekshi avtory Vıola Bıberaher (Viola Biberacher).
