Ǵalymdar shylymnyń ókpe isigin qalaı qozdyratynyn anyqtady
ASTANA. QazAqparat - Amerıkalyq ǵalymdar temeki shegýdiń ókpe isigin qalaı damytatynyn túsindirdi. Zertteý jumysy Cancer Cell-de jarııalandy, dep habarlaıdy AQSh-tyń Djons Hopkıns ýnıversıteti.
Sarapshylardyń paıymdaýynsha, temeki tútini tynys alý joldaryn qalyptastyratyn jasýshalarda epıgenetıkalyq ózgerister týdyrady. Eń sońynda ókpe isiginiń paıda bolýyna jol ashady, dep jazady Lenta.rý.
«Temeki shegý epıgenetıkalyq ózgeristerge negiz bolady, bul bizdiń boljamymyz boıynsha, ókpe isiginiń qaterin arttyrady. Sondyqtan eger siz temeki shekpeıtin bolsańyz, atalmysh aýrýǵa shaldyǵý múmkindigi óte az», - dep atap ótti teń avtor Stıven Baılın.
Modeldik úlginiń saraptamasy kórsetkendeı, temeki tútini ókpe jasýshalaryna túskennen keıin on kún ishinde anomaldyq protsester (DNQ-nyń zaqymdanýy) bastalady. Epıgenetıkalyq ózgeristerdi jınaqtaý 10-15 aıdan keıin kúrdeli bolady (20-30 jyl boıy temeki shegýmen tepe-teń).
