Ǵalymdar: Shylym shegý adamnyń mı qyrtysyn juqartady
ASTANA. QazAqparat - Shylym shegý adamnyń ókpesine zııan keltirip qana qoımaı, onyń oılaý qabiletine de keri áserin tıgizedi. Mundaı qorytyndyny uzaq ýaqyt boıy shylym shekken adamdar men ony eshqashan shekpegenderdiń bas mıynyń qyrtysyn zerttegen ǵalymdar jasady.
Zertteýge 244 er adam men 260 áıel adam qatysty. Qatysýshylardyń ortasha jasy 73 jyldy quraǵan. Zertteý adamdardyń jasy ulǵaıǵan saıyn temekini neǵurlym uzaq ári kóp ýaqyt shekse, bas mıy qyrtysynyń qabaty soǵurlym juqara túsetinin kórsetti.
Bul rette jaman ádetin qoıyp kete alǵandarda ýaqyt óte kele joıylyp ketken mı ulpasy jarym-jartylaı qalpyna kelgen. 25 jyl jáne odan da kóp ýaqyt shylym shekken adamdar úshin bul múmkin bolmady.
Bas mıy qyrtysynyń juqarý protsesi jas ulǵaıǵan saıyn árbir adamnyń aǵzasynda oryn alady. Temeki shegý bul protsesti jyldamdatady. Al adam mıynyń dál osy bóligi onyń aqyl-oıy men este saqtaý qabiletiniń qyzmetine jaýap beredi, dep habarlaıdy AıF.
