ǴALYMDAR: Shyǵystyń adamdary batys halqyna qaraǵanda az uıyqtaıdy
ASTANA. QazAqparat - Álemde batys halqy az uıyqtap, kóp eńbektenedi degen túsinik bar. Zertteı kelgende shyǵys halqy batystyqtarǵa qaraǵanda az uıyqtaıtyn bolyp shyqty.
Bul týraly sheteldik BAQ jazady.
Mysaly, brıtandyqtar Sıngapýr turǵyndaryna qaraǵanda áldeqaıda uzaǵyraq uıyqtaıtyn bolyp shyqty. Bul zertteýdiń nátıjeleri Frontiers in Neurology jýrnalynda jarııalandy.
Ǵalymdar zertteý barysynda Ulybrıtanııa halqy men Sıngapýr turǵyndarynyń kúnine qansha ýaqyt uıyqtaıtynyn, kúndiz qansha ýaqyt jumys isteıtinin salystyryp qaraǵan. Belgili bolǵandaı, eki eldiń turǵyndary tańda bir ýaqytta turǵanymen, shyǵys jurty batystyqtarǵa qaraǵanda kesh jatady eken.
Derekterge súıensek, Ulybrıtanııada adamdar táýligine 7,5-8 saǵatyn uıqymen ótkizse, Sıngapýr halqy 7 saǵattan kem uıyqtaıtyn bolyp shyqty.
