Ǵalymdar: Shyǵarmashylyqpen aınalysý este saqtaý qabiletin jaqsartady
ASTANA. QazAqparat - Shyǵarmashylyq pen qolóner úıirmesine baratyn orta jastaǵy jáne qart adamdardyń este saqtaý jáne oılaý qabileti tómendemeıdi, deıdi sarapshylar. Mundaı áreketter mıdyń jumysyn belsendirip, neırondardyń tirshilik áreketin saqtaıdy.
Ári, shyǵarmashylyqpen aınalysý jańa neırondardyń túzilýine septesedi, dep atap ótti Maıo klınıkasynyń mamany Roýzbad Roberts. Shyǵarmashylyq eńbektiń adamǵa áserin tekserý úshin zertteýge ortasha jasy 87 jasty quraıtyn 256 adam qatysqan. Zertteýdiń basynda adamdarda este saqtaý jáne oılaý qabiletterinde problemalar baıqalmaǵan, dep jazdy Zee News. Eriktiler qanshalyqty shyǵarmashylyq úıirmelerge qatysatyny, teatrǵa baratyny jáne dostarymen aralasatyny týraly suraqtarǵa jaýap bergen. Sondaı-aq olar ǵalamtordy paıdalanǵanyn ne paıdalanbaǵanyn, kompıýter oıyndaryna qyzyqqanyn ne olardy elemegenin aıtty. 4 jyldan keıin 121 adamda ortasha deńgeıdegi kognıtıvti aýytqýshylyqtar baıqalǵan. Alaıda shyǵarmashylyq úıirmelerge barǵandarda bul kórsetkish 73%-ǵa kem bolǵan. Shyǵarmashylyq jumyspen aınalysý bul qaterdi 45%-ǵa, belsendi áleýmettený - 55%-ǵa, al kompıýterdi paıdalaný - 53%-ǵa kemitken.
