Ǵalymdar shokoladtyń quramynan densaýlyqqa zııandy zattardy anyqtady
ASTANA. QazAqparat - Brazılııanyń Kampınas ýnıversıtetiniń ǵalymdar toby shokoladtyń túrli sorttaryn, atap aıtqanda 30-dan astam shokolad markasyn zerttedi.
Ǵalymdardy ondaǵy paıdaly zattardyń mólsheriniń tym azdyǵy tań qaldyrdy. Táttilerdiń keı sorttarynda qorǵasyn, kadmıı sııaqty hımııalyq elementter tabylsa, shokoladtyń keıbir markalarynda qorǵasyn men magnııdiń deńgeıi adam qaýipsizdigi úshin usynylatyn mólsherden asyp ketken. Zertteýshiler bul zııandy zattardy shokolad aǵashy lastanǵan jerlerde óskendikten sińirip alǵan dep sanaıdy.
