Ǵalymdar shaı sańyraýqulaǵynan teri jasap odan etik jáne kúrte tikti
ASTANA. QazAqparat - AQSh-tyń Aıova shtaty ýnıversıtetiniń zertteýshileri jasandy teri jasaýdyń jańa tásilin oılap tapty. Ázirge ol bylǵary sekildi sapaly emes, biraq kúrte, aıaq kıim tigýge jarap qalady. Bul materıaldy jasaý úshin kúbi, tsellıýloza talshyǵy, shaı sańyraýqulaǵy, sirke sýy jáne qant qajet, dep jazdy Gizmodo.
Olarǵa bakterııalar men ashytqy qosqannan keıin jasandy teri suıyqtyqtyń betinde ózdiginen óse bastaıdy. Alynǵan materıaldan báteńke men jkúrte tigildi. Ázirge jasandy teriniń sapasy áli tómen: jańbyr kezinde sýlanyp, ezilip qalady, sýyqta qatyp qalady.
Innovatsııalyq terini jappaı óndirýge erterek. Materıaldyń bir paraǵy tórt aptada tolyqtaı ósip shyǵady. Onyń jaqsy jaǵyna kelsek materıal taza tabıǵı, ol ózdiginen ydyrap ketetini tabıǵat qorǵaýshylaryna kóńilinen shyǵary sózsiz. 
