Ǵalymdar shash boıaýdyń qaterli isikke soqtyratynyn dáleldedi
ASTANA. QazAqparat - Permanent jasaıtyn jáne óńi uzaq saqtalatyn shash boıaýlaryn jıi qoldanatyn shashtarazdardyń qan quramynda kantserogenderdiń kóp bolatyny anyqtaldy, dep jazady Day.az.
Belgili bolǵandaı, boıaýlarda sýtek totyǵynyń kómegimen áreket etetin qyshqyldandyrǵysh boıaǵyshtar bolady eken. Olar aromattandyrǵysh amındar men boıaýshy komponentterdiń arasynda hımııalyq reaktsııa júrgizedi.
Aromattandyrǵysh amındar - tolýıdınderdi rak qozdyrǵyshy dep buǵan deıin de aıtyp kelgen. Al, orto-tolýıdınderdi resmı túrde kantserogen dep tapqan. EO-da aromattandyrǵysh amındardy kosmetıkalyq zattarda qoldanýǵa tyıym salynǵan. Biraq, Lýnd ýnıversıtetiniń ǵalymdary dáleldegendeı, bunyń ózi shashtarazdardy qutqara almaıdy.
Mamandar 295 shashtarazǵa zertteý júrgizgen. Onyń 32-si ylǵı shash boıaýmen aınalysqan. Zertteý nátıjesinde shashtarazdardyń qan quramynda o-tolýıdınder men meta-tolýıdınder tabylǵan. Olar jıi shash boıaýmen aınalysqan saıyn qan quramyndaǵy kantserogender kórsetkishi arta túsken.
