Ǵalymdar semizdiktiń taǵy bir sebebin atady
ASTANA. QazAqparat - Deneniń tómen temperatýrasy - semirýdiń bir sebebi, dep esepteıdi ǵalymdar.
Adam denesiniń qalypty ishki temperatýrasy shamamen 37 gradýsty quraıdy. Ol qorshaǵan orta temperatýrasy men fızıkalyq belsendilik deńgeıine táýeldi emes. Bolon ýnıversıtetiniń ǵalymdary keıbir adamdardyń denesiniń ishki temperatýrasy normaǵa jetpeıtinin anyqtaǵan. Osyndaı adamnyń aǵzasy energııany jetkilikti túrde paıdalana almaıdy. Bul salmaqtyń kóbeıýi (jylyna eki kelige deıin) men semirýge aparyp soqtyrady, dep jazady The Daily Mail.
Mıda temperatýranyń rettelýine gıpotalamýs jaýap beredi. Onda qannyń temperatýrasyna sezimtal termoretseptorlar bar. Óz kezeginde teriniń syrtynda ornalasqan termoretseptorlar gıpotalamýsqa teri betiniń temperatýrasy týraly aqparat jiberip otyrady.
Zertteýshiler semizdikke dýshar bolǵan adamdardyń dene temperatýrasy artyq salmaǵy joq adamdardyń dene temperatýrasymen salystyrdy. Semiz adamdardyń denesiniń ishki temperatýrasy edáýir tómen bolǵan. ıAǵnı, bul semizdikke bıologııalyq beıimdiliktiń bar ekenine kóz jetkizedi.
Mamandar olardyń shyǵarǵan qorytyndylary semizdikti emdeýdiń jańa ádisterin shyǵarýǵa kómektesetinine úmittenedi.
