Ǵalymdar Satýrnnyń iri jer serigi - Tıtanda jerasty muhıtyn anyqtady
ASTANA. 30 maýsym. QazAqparat - Ǵalymdar "Kassını" NASA avtomatty ǵalamshararalyq stansanyń kómegimen Satýrnnyń iri jer serigi - Tıtanda jerasty muhıtynyń bar ekendigin anyqtady, dep jazdy ITAR-TASS.
2004 jyldan bastap 2011 jylǵa deıin Tıtandy 6 ret aınalyp ushý barysynda "Kassını" stansasynyń kómegimen jınalǵan málimetterdi zertteı kele, ǵalymdar ǵalamshardyń ústińgi qabatyndaǵy muzdyń astynda - 100 shaqyrym tereńdikte muhıt bar degen qorytyndyǵa kelip otyr. Sondaı-aq Tıtannan basqa ıÝpıterdiń serigi Eýropada jáne Satýrnnyń kishkentaı Entselad ǵalamsharynda jerasty muhıty bolýy múmkin.
«Tıtannyń ústindegi muhıt boljam boıynsha tolyǵymen sýdan nemese azdaǵan mólsherdegi tuz aralas sýdan turady», - dedi zertteýdiń avtory, ıtalıandyq "La Sapıentsa" ýnıversıtetiniń ǵalymy Lýchıano Essa. Onyń aıtýynsha, Tıtannyń ústińgi qabatyndaǵy sýdyń anyqtalýy ǵalamsharda adamdardyń ómir súretinine kepil bermeıtindigin aıtty.
