Ǵalymdar: Sarymsaq mıdy aýrýlardan qorǵaıdy
ASTANA. QazAqparat - AQSh-taǵy Mıssýrı ýnıversıtetiniń ǵalymdary sarymsaq quramyndaǵy nárli zattar mıdy aýrýlardan qorǵaı alatynyn anyqtady. Mamandardyń aıtýynsha, sarymsaq jas erekshelikterine qaraı oryn alatyn Altsgeımer jáne Parkınson aýrýlary sııaqty nevrologııalyq aýrýlardyń aldyn alady.
Quramynda kúkirt bar sarymsaq qabynýǵa qarsy qorǵanys qasıeti barlyǵymen belgili, dep habarlady Kedem.
Zertteýshiler sarymsaq quramyndaǵy FruArg atalatyn zat mıdy qorǵaýda mańyzdy rólge ıe ekenin anyqtady. Ol qorshaǵan ortanyń teris áserlerinen jasýshalardyń zaqymdanýynyń aldyn alady.
FruArg antıoksıdanttyń arqasynda ol mıdy qorǵap qana qoımaı, emdeıdi, - deıdi ǵalymdar.
