Ǵalymdar: S dárýmeni obyrdy emdeýge kómektesedi
ASTANA. QazAqparat - Kanzas medıtsınalyq ýnıversıtetiniń ǵalymdary S dárýmeniniń kómegimen qaterli isikti emdeýdiń jolyn tapty. Zertteýshiler dástúrli hımııalyq jolmen emdeýdiń ornyna, kúre tamyrǵa S dárýmenin egý arqyly qaterli isik jasýshalaryn óltirip, hımııalyq terapııanyń ýytty áserin tómendetti, dep jazady Science Translational Medicine.
Adamdar men janýarlardyń jasýshalaryndaǵy terapııany baqylaý S dárýmeniniń kúre tamyrdyń ishindegi ınektsııalar kombınatsııasy men karboplatın jáne paklıtaksel sııaqty qarapaıym hımııalyq terapııa preparattarynyń saldarynan tájirıbelik jaǵdaıda obyrdyń uryq paıda bolatyn jerin toqtatqanyn kórsetken.
«1970 jyldary askorbın qyshqyly nemese S dárýmenin qaterli isik aýrýyn emdeý kezinde paıdalaný dástúrli emes terapııaǵa jatatyn. Bul qaýipsiz boldy, esepter kúre tamyrdyń ishinen emdeý tıimdiliginiń durystyǵyn kórsetti. Alaıda keıingi zertteýler S dárýmenin eki ret qoldanǵannan keıingi jaǵdaıdyń tıimsiz bolatynyn anyqtaǵan-dy. Sondyqtan onkolog dárigerler bul ıdeıadan bas tartty», - deıdi Kanzas medıtsınalyq ýnıversıtetiniń ıntegratıvti medıtsına departamentiniń dotsenti Tsı Chen.
Klınıkalyq zertteýler 3-shi jáne 4-shi dárejedegi qaterli isik aýryna shaldyqqan 27 naýqasqa qatysty júrgizilgen. Olardyń bárine dástúrli hımııalyq terapııamen emdeý tásili qoldanylǵanymen olardyń keıbireýiniń kúre tamyrynyń ishinde S dárýmeni egilgen. Dárigerler osy zertteýge qatysýshylardy bes jyl kóleminde baqylaǵan. Sonda askorbın qyshqylyn paıdalanǵan naýqastarda hımııalyq terapııa saldarynan bolatyn ıntoksıkatsııanyń mólsheri tómendegeni baıqaldy.
