Ǵalymdar Rıo oıyndaryn kóshirýge keńes berdi
ASTANA. QazAqparat - Álem boıynsha júzden astam jetekshi ǵalym Dúnıejúzilik densaýlyq saqtaý uıymyna ashyq hat jazǵan. Onda Zıka bezgegi saldarynan Rıo-de-Janeırodaǵy Olımpıada oıyndaryn shegerýdi nemese kóshirýdi suraǵan.
Hatqa densaýlyq saqtaý salasyndaǵy 125 sarapshy qol qoıǵan. Olardyń qatarynda Oksford, Garvard jáne Ielsk ýnıversıtetteriniń sarapshylary bar, dep habarlady RBK.
"Oıyndarǵa qatysatyn elderden keletin 500 myń sheteldik týrıst basyn qaýipke tóndiredi. Olar vırýsty taratýshy retinde úıge oralyp, turatyn jerinde aýrýdy taratýy múmkin", - delingen hatta.
Ǵalymdardyń aıtýynsha, Zıka epıdemııasy kezinde olımpıada ótkizý durys emes. Olar DDSU Zıkaǵa baılanysty erejeler men shekteýlerdi qaıta qaraýdy surady.
Mamyr aıynda Halyqaralyq olımpıada komıteti epıdemııaǵa qaramastan, Oıyndardyń ornyn nemese ýaqytyn ózgertetin sebep joq ekenin aıtqan.
Rıodaǵy Olımpıada 5- 21 tamyz aralyǵynda ótýi tıis.
Zıka epıdemııasy Brazılııada ótken jyly bastalǵan. Qazir ol 60 elge tarady.
