Ǵalymdar plastık bótelkeni birneshe saǵatta óńdep shyǵaratyn ferment jasady
NUR-SULTAN. QazAqparat - Ǵalymdar plastık kótelkelerdi birneshe aǵattyń ishinde qaıta paıdalanýǵa bolatyndaı etip óńdep shyǵaratyn bakterıaldy ferment jasap shyǵardy, dep habarlaıdy The Gardian.
«Ferment bótelkelerdi hımııalyq bloktarǵa ózgertedi. Keıin ony joǵary sapaly jańa bótelke jasaý úshin paıdalanýǵa bolady. Al qazirgi tańda óńdelgen plastıkter tek kıim nemese kilem óndirisinde paıdalanýǵa jaramdy», - dep jazady avtor.
Basylymnyń habarlaýynsha, mundaı óńdeý tásili aldaǵy bes jylda óndiristik masshtabta paıdalanylatyn bolady.
«Táýelsiz sarapshylar jańa fermentti iri jetistik dep atady. Planetany mıllıardtaǵan tonna plastık qaldyǵy lastap jatyr. Al jańa ferment týraly materıal Nature jýrnalynda jarııalandy», - dep jazylǵan maqalada.
Avtorlar fermentti ózgertip, mýtatsııaǵa ushyratqan. Osylaısha, onyń plastıkti ydyratý qabileti jaqsara túsken.
