Ǵalymdar: pııaz ben sarymsaq ýly qaldyqtardy zalalsyzdandyra alady
ASTANA. QazAqparat - Úndistan ǵalymdary pııaz ben sarymsaqtyń sińirý qasıeti bizdiń planetamyzdy lastan saqtaı alady dep habarlady.
Sarapshylar zaýyttar men túrli fabrıkalardan bólinetin ýly zatty joıý úshin pııaz ben sarymsaqtyń qabyǵyn nátıjeli paıdalaný jolyn tabýǵa bel býdy. Sóıtip, densaýlyqqa paıdaly ósimdikter olardyń aldyna qoıǵan tapsyrmany oryndaı alatynyna kóz jetkizgen. Olar aýyr metalldardaǵy qaldyqtardy tazarta alady.
Ǵalymdar qyzyqty zertteý júrgizdi: 7 sarymsaq pen pııaz alyp, olardy qaldyqtar úıindisine tastady. Ondaǵy maqsaty - qaldyqty qansha kólemde sińiretinin teksermek bolǵan. Atalmysh tájirıbe nátıjeli boldy. 7 sarymsaq pen pııaz kadmıı, synap, qorǵasyn jáne kúshán sııaqty zııandy zattardyń 70 paıyzyn sińirgen.
Tipti, keıin sarymsaq pen pııazdyń kómegimen tazartylǵan qaldyqtardy qaıta óńdeý úshin paıdalanýǵa bolatyny anyqtalypty. Osyǵan oraı, ǵalymdar ósimdikter ózdiginen qorshaǵan ortany tazarta alatynyn dáleldep, halyqqa tabıǵatty qorǵaý kerek degen oı tastady.
