Ǵalymdar paraqtary sýdy tazartatyn kitap oılap tapty
ASTANA. QazAqparat - Amerıkalyq ǵalymdar paraqtary zııandy bakterııalar men qospadan sýdy tazartýǵa qabiletti súzgish rólin atqaratyn kitap basyp shyǵardy.
Bul zamanaýı tehnologııa úlgisiniń ataýy «aýyzsý kitabynyń» paraqtary dep aýdarylady. Quramyndaǵy kúmistiń nanobólshegi nemese mys bakterııalardy joıady. Ekinshi jaǵynan osy paraqtarda sýdy ne úshin, qalaı tazartýǵa bolatyny jaıly aqparat jazylǵan.
«Kitaptyń bir paraǵyn jyrtyp alyp, ony súzgish qondyrǵyǵa tóseıdi de, ózen, qudyq, bulaq bolsyn kez kelgen kózden alynǵan sýdy quıady. Nátıjesinde sý tazaryp, bakterııalar joıylady», - dep túsindirdi zertteý avtorlarynyń biri.
Ǵalymdar bir paraqpen 100 lıtr sýdy tazartýǵa bolady dep sanaıdy. ıAǵnı, bir kitap shamamen tórt jylǵa jetedi. Tazartylǵan sýda bakterııalar 99 paıyz joıylatyny dáleldendi. Kóp jaǵdaıda bakterııalar sýda múldem qalmaıdy, dep jazady «Gazeta.Ru».
