Ǵalymdar: ótirik aıtpaý júıkesi syr bergen jandardyń dertterinen aıyǵýyna áser etedi
ASTANA. QazAqparat - Frantsýz ǵalymdary erekshe faktini baıqady: eger adam 10 kúnniń ishinde tek shyn sóılese, onyń psıhologııalyq qanaǵattaný deńgeıi kúrt kóteriledi.
Sonymen birge, adam densaýlyǵynyń jalpy kúsheıýi baıqalady. Muny mamandar kúızeliske ushyraǵan, ózderin jaısyz sezinetin syrqattarǵa tájirıbe jasaý arqyly anyqtady.
Eriktiler eki topqa bólingen. Birinshi toptyń qatysýshylary tek shyndyqty aıtty. Ekinshilerine ózgeni aldaýǵa ruqsat berildi. Olardyń barlyǵy ótirik detektorynan ótti. Test suraqtaryna jaýap berdi. Ondaǵy maqsat - densaýlyqtarynyń myqtylyǵyn anyqtaý.
Tájirıbe ótkizilgennen on kúnnen sońǵy nátıje mynany kórsetti: tek shyndyqty aıtýy kerek bolǵan topta olardyń psıhologııalyq jáne fızıkalyq jaǵdaılary aıtarlyqtaı jaqsarǵan. Jekeleı alǵanda, arterııalyq qysymnyń turaqtanǵany baıqalǵan. Al ótirik aıtyp, ózgeni aldaýǵa tyrysqandarda ońdy ózgeris baıqalmaǵan.
