Ǵalymdar óskeleń urpaq zardap shegip júrgen negizgi aýrýdy atady
ASTANA. QazAqparat - Brıtandyq ǵalymdar óskeleń urpaqtyń basty aýrýyn anyqtady. Ǵalymdardyń aıtýynsha, bul aýrý tehnologııalyq ilgerleý saldarynan týyndaǵan, ol «kompıýterlik búkirlik» dep atalady. Bul týraly newsroom jazady.
Jyldar ótken saıyn dárigerler men ǵalymdar jasóspirimderde omyrtqa aýrýlarynyń jıi anyqtalyp kele jatqanyn aıtady. Ol kompıýterdiń aldynda kóp otyrǵannan paıda bolyp jatyr. Mundaı uzaq otyrystyń áserinen birinshi kezekte adamnyń arqasy zardap shegip, omyrtqasynda ózgerister paıda bolady. Birtindep arqadaǵy aýyrsynýlar sozylmaly dertke aınalyp, adamnyń búkireıýine ákep soǵady.
Zertteýshiler bul aýrýdyń aldyn alý sonshalyqty qıyn emes, ata-analary balalarynyń kompıýter aldynda kúndelikti qansha ýaqyt otyratyndaryn qadaǵalasa jetkilikti deıdi. Olar sondaı-aq atalmysh syrqatty ýaqytyly anyqtaýdyń mańyzy zor ekenin, sebebi búkirlikti emdeý asa qıyn ekenin aıtady.
