Ǵalymdar ómirdegi eń baqytty sátti anyqtady
ASTANA. QazAqparat - Brıtandyq áleýmettanýshylar qazirgi eýropalyqtyń ómirindegi eń baqytty sátti anyqtady. Olardyń aıtýynsha, ol juma kúni saǵat 18.08-de, dep habarlaıdy ITAR-TASS.
Adamdy qýanysh pen baqyt sezimi juma kúni jumysynan shyǵyp, aldaǵy demalys kúnderin qalaı ótkizetini týraly oılaǵan kezde baýrap alady eken. Bul sezimdi eýropalyqtardyń basym bóligi keshki saǵat altydan segiz mınýt ótkende asa ótkir sezinetin kórinedi.
«Biz mundaı kóńil-kúıdi «juma kúngi shattyq» dep atadyq», - deıdi zertteýler jetekshisi Djýlıan Gaı. Eýropa turǵyndarynyń kelesi «baqytty sáti» senbi kúni tańerteń baıqalady eken.
Gaıdyń aıtýynsha, eýropalyqtardyń kóńil-kúıiniń barynsha tómendeýi dúısenbi kúni 13 saǵat 42 mınýtta baıqalǵan. Muny ol adamdardyń kópshiliginiń aptanyń dál osy alǵashqy kúni jumysqa qatysty kúızelisterdiń negizgi bóligin basynan keshirýimen baılanystyrady.
