Ǵalymdar oqty joıyp jiberetin saýyt jasady (VIDEO)
ASTANA. QazAqparat - Amerıka ǵalymdary atylǵan oqty toqtatyp qana qoımaı, ony shańǵa aınaldyryp joıyp jibere alatyn materıaldy oılap shyǵardy. Qalyńdyǵy 25 mm metaldandyrylǵan kompozıttik kópirshikke uqsas bul materıaldy oq ótpeıtin saýytqa paıdalanýǵa bolady.
Materıaldy NATO-nyń bolatty tesip ótetin oqtarymen atyp synap kórdi. Vıdeorolıkte kórinip turǵandaı, ınnovatsııalyq taqtaǵa tıgen oq bólinip, usaqtalyp qalady. Soltústik Karolına shtaty ýnıversıtetiniń zertteýshileriniń aıtýynsha, jańa materıal birneshe qabattan turady. Kópirshiktiń ózinen basqa, onyń quramyna kúıiktas pen kevlar kiredi.
Jańa materıal oq ótpeıtin keýdeshelerdi jasaýdan bólek, ǵarysh salasynda jáne ıadrolyq qaldyqtardy tasymaldaý úshin paıdalanýǵa bolady, sebebi ol rentgen sáýlesin, gamma jáne neıtron sáýlelerin ótkizbeıdi.
