Ǵalymdar OQO sharýashylyǵyna ınnovatsııalyq tehnologııalardy engizýdi usyndy
ASTANA. QazAqparat - Ońtústik Qazaqstan oblysynyń ákimdiginde Qazaq ulttyq agrarlyq ýnıversıtetiniń rektory T.Espolov bastaǵan joǵary oqý orny ǵalymdarynyń qatysýymen semınar-jıyn ótti.
Oblys ákimdiginiń baspasóz qyzmetiniń habarlaýynsha, jıynda óńirdegi aýyl sharýashylyǵy salasyna ınnovatsııalyq tehnologııalardy endirý máselesi sóz boldy. Jıynda ǵalymdar qatysýshylardy sýarmaly jerlerge ınnovatsııalyq tehnologııalardy engizý, iri qara maldyń tuqymyn saqtap qalý, qarqyndy baýlarda alma ósirýdiń sony tehnologııasyn endirý jáne ózge de baǵyttar aıasynda ǵylymı jumystarymen tanystyrdy.
Semınar-jıyn sońynda ákimdik pen atalǵan joǵary oqý orny arasynda yntymaqtastyq memorandýmy túzildi. QazUAÝ men agroónerkásip (AÓK) salasynyń biriktirilip, óndiris pen ǵylymda jemisti áreket etýdi maqsat tutqan memorandým ǵylymı jobalardy sharýashylyqta endirý arqyly agrarlyq sektordaǵy ónim kóleminiń artyp, onyń básekege qabilettiligin joǵarylatýdy, sol arqyly, oblystyń agroónerkásip salasynyń ınnovatsııalyq damýyn arttyryp, áleýetin kóterýdi kózdeıdi.
Jıynnan soń, ýnıversıtet professorlary oblystyń aýyl sharýashylyǵynyń barlyq baǵyttarymen aınalysatyn jeti aýdanǵa attandy. Onda ǵalymdar jekelegen taqyryptar aıasynda kóshpeli semınarlar uıymdastyratyn bolady.
