Ǵalymdar Ohot teńizinde janýarlardyń 500 jańa túrin tapty
ASTANA. QazAqparat - Tereń sýdy zertteıtin SokhoBio reseı-german ǵylymı ekspedıtsııasy Ohot teńiziniń akvatorııinde janýarlardyń 500 jańa túrin anyqtaǵan. Bul týraly ekspedıtsııa bastyǵynyń ǵylym boıynsha orynbasary Marına Malıýtına habarlady.
«Sonyń arasynda shaıantárizdiler, ulýlar jáne basqa túrleri de bar», - dedi Malıýtına zertteý qorytyndylary boıynsha ótken baspasóz konferentsııasynda.
Mamannyń aıtýynsha, Ohot teńizi tereń sýlarynyń keshendi taldaýy múldem jasalmaǵan jáne buǵan deıin bul sý qoımasynda mekendeıtin janýarlardyń 50 túri ǵana belgili boldy.
«Akademık Lavrenev» ǵylymı-zertteý kemesi Kýrılsk shuńqyrynda 5 shilde men 6 tamyz aralyǵynda jumys istegen, dep jazady sheteldik BAQ.
