Ǵalymdar obyrdyń qaýip-qaterin azaıtatyn qarapaıym tásil oılap tapty
ASTANA. 10 tamyz. QazAqparat - Ǵalymdar ókpe obyrynyń qaýip-qaterin eki esege deıin joıatyn qarapaıym tásilin oılap tapty, dep habarlaıdy Ýtro.rý saıtynan.
Qytaı ǵalymdary shıki sarymsaqty aptasyna eń bolmaǵanda eki ret paıdalanǵan adamdardyń ókpe obyrymen aýyrý qaýpi 44 paıyzǵa deıin azaıatyndyǵyn anyqtaǵan.
Tszıansý provıntsııasyndaǵy Aýrýdyń aldyn alý jáne qadaǵalý ortalyǵynyń zertteýshileri obyrdyń osy túrimen aýyratyn 1424 naýqastyń nátıjelerin 4500 saý adamnyń nátıjelerimen salystyrý barysynda osyndaı qorytyndyǵa kelgen.
2010 jyly sarymsaq gıpertonııa qaýpin azaıtatyndyǵy, sonymen birge bas saqınasyn emdeýge de yqpaly bar ekendigi anyqtaldy. Alaıda sarymsaqpen emdelý dástúrli emdi almastyra almaıtynyn umytpaǵan jón.
