Ǵalymdar obyrdy qan taldaýy arqyly anyqtaıtyn tásil oılap tapty
ASTANA. QazAqparat - Hımııalyq bıologııa jáne fýndamentaldyq medıtsına ınstıtýtynyń ǵalymdary keseldi isikterdi bıopsııasyz, qan taldaýy arqyly anyqtaýǵa múmkindik beretin ádistemeni ázirledi, dep habarlaıdy RIA Novostı.
Habarlamada ǵalymdar qannan isikterdiń paıda bolý jáne damý protsesterine qatysatyn ekzosomalardy anyqtaıtyn tıimdi ádisti patenttegeni aıtylǵan.
«Qalypty jaǵdaıda barlyq jasýshalar ekzosomanyń jasýshadan tys keńistigine - ólshemi 30-dan 100-ge deıin nanometrdi quraıtyn epıtelıılik kishkentaı bólshekterine sekretsııalanady. Olar qannyń togymen búkil aǵzaǵa taralyp, quramy patologııanyń damýy kezinde ózgeredi», - dedi Hımııalyq bıologııa jáne fýndamentaldyq medıtsına ınstıtýtynyń ǵylymı qyzmetkeri Svetlana Tamkovıch.
Ǵalymnyń aıtýynsha, onkologııalyq dertke shaldyqqandardyń isik jasýshalarynan bólinetin ekzosomalar bastapqy isiný oshaǵynyń damýyna da, keseldi jer zardabynyń keseldi deneniń basqa jerlerine taralýyna da áser etip, sondaı-aq jańa isiktiń ósýi men enýin belsendete túsedi, ımmýnıtet pen dárilik quraldarǵa turaqtylyqty álsiretedi.
