Ǵalymdar Napoleonnyń arǵy tegin anyqtady
ASTANA. 1 naýryz. QazAqparat - DNK synamalary kórsetkendeı, Frantsııa ımperatory Napoleon Bonaparttyń shyǵý tegi shym-shytyryq bolyp shyqty.
Onyń Korsıkada týylǵanyn barlyǵy biledi, al shyqqan tegin ekiniń biri aıta almaıdy.
Sońǵy jyldary ǵalymdar ımperatordyń shyqqan tegi arabtar dep kelgen. Alaıda jýyrda ǵana jasalǵan zertteýler onyń ata-babasy Kavkazdan ekenin kórsetip otyr, deıdi Ýtro.rý saıty. Genetık Jerar Lıýkott Napoleonnyń áke jaǵynan genetıkalyq tuqymyn kórsetetin Ú-hromosomalaryn zerttegen jumystaryn jarııa etti. Sondaı-aq, ǵalym uly qolbasshynyń anasy jaǵynan genetıkalyq túbirine jaýap beretin mıtohondrııalyq DNK zertteýlerin de umyt qaldyrmaǵan.
Buryn Napoleonnyń arǵy tegi osydan 3,5 myń jyl buryn Taıaý Shyǵysta ómir súrgen bir taıpaǵa jatqyzylyp kelgen edi. Búginde bul taıpanyń urpaqtary negizinen Iemende jáne Saýd Aravııasynda ómir súredi. Napoleonnyń Franchesko Býonaparte esimdi bir babasy tarıhta «Sartsandyq mavr» atymen de belgili bolǵandyǵy shynymen de qyzyqty jaıt.
Alaıda, Lıýkottyń jańa zertteýleri bul nusqanyń túbirin shaıqaltyp jiberýi múmkin. Óıtkeni ákesiniń babalary Taıaý Shyǵystan emes, Kavkazdan bolyp shyqty.
