Ǵalymdar: Mýzyka dybysyn qatty qoıý jasóspirimderdiń estý qabiletin nasharlatady
ASTANA. QazAqparat - Kóptegen jasóspirimder saýyq keshterinde, klýbtarda nemese aýdıoqurylǵylarynda mýzykany dybysyn qatty shyǵaryp tyńdaıdy. Ortasha eseppen alǵanda jas azamattardyń 28 paıyzy qulaqtaǵy únemi zyńyl men shýyldaýdan (tınnıtýs) zardap shegedi. Bul týraly 11 men 17 jas aralyǵyndaǵy 170 eriktiniń estý qabiletin teksergen brıtandyq ǵalymdar habarlady.
Ádette qulaǵynyń shýyldaýyna jasy 50-den asqan adamdar shaǵymdanyp otyrady. Al mundaı sımptomdary bar jasóspirimderdiń qatty dybystarǵa tózimdiligi tómendetilgen. Bul dybystardy óńdeýge qatysatyn nervterdiń zaqymdanýynyń belgisi bolyp tabylady. Estý nervteri zaqymdalǵanda, qarapaıym dybystar qatty estiletindeı bolady.
Bul rette, osyndaı zaqymdaný estý qabiletiniń jaǵdaıyn kórsetetin aýdıogrammada baıqalmaıdy. Osyndaı adamdardyń estý qabileti jasy ulǵaıǵan saıyn nasharlaıdy. Ókinishke qaraı, búlingen nervter qalpyna keltirilmeıdi. Sondyqtan onyń aldyn alý kerek, dep jazady sheteldik BAQ.
