Ǵalymdar: Mýzyka adamnyń kózine áser etedi
ASTANA. QazAqparat - Qarashyq kózge túsken jaryq aǵynynyń mólsherimen keńeıe, taryla otyryp, jaryqty oǵan engizip, adamǵa qorshaǵan ortany kórýine járdem etetini baıaǵyda dáleldengen.
Biraq qarashyq kóleminiń ózgerýiniń fızıkalyq qana emes, sezim arqyly ja júzege asatyn túri bar. Túrli jaǵdaıda alǵan emotsııalar da kózge yqpal etedi. Qarashyq kólemi oı áreketi aýysqan kezde ózgeredi.
Alaıda, Vena ýnıversıteti men Insbrýk Ýnıversıtetiniń ókilderi júrgizgen eksperıment barysynda qarashyqqa mýzyka áser etetini anyqtaldy. Ánniń tyńdaýshyǵa emotsııalyq áser etetini belgili. Zertteý barysynda, eriktilerge biraz mýzykalyq týyndylardy tyńdaý usynyldy. Ǵalymdar boljaǵandaı, dańǵaza áýenderdi tyńdaǵanda qarashyq keńeıgen, al baıaý áýen esh reaktsııa bermegen. Adam óz ómirindegi mańyzdy oqıǵalaryna baılanysty áýen úzindisin tyńdaǵan sátte qarashyqtyń serpini kúsheıgen.
Zertteý nátıjeleriniń dáıektiligi úshin eksperıment ýaqytynda mýzykanyń emotsııalyq júktemesi talqylandy. Al keıinnen qatysýshylar kompozıtsııa úzindilerin tyńdaǵan, sol ýaqytta olardyń qarashyqtarynyń mólsheri ólshendi.
